Git Rebase vs Merge: Application and Use Cases

تعد عمليات دمج الفروع (Branch Merging) من أهم الممارسات في إدارة مشاريع البرمجيات باستخدام نظام التحكم في الإصدارات Git. في هذه المقالة، سنقوم بتحليل مفصل لاثنتين من أهم الطرق لدمج الفروع في Git: الـ Rebase والـ Merge. سنستعرض مزايا وعيوب كل طريقة، ونوضح الحالات المثالية لاستخدام كل منهما، مما يساعد المطورين على اتخاذ القرار الأمثل في مشاريعهم.

Git Rebase vs Merge

Git Merge :

الـ merge ده زي ما تيجي تجمع عيلتين مع بعض. بتاخد التغييرات من البرانش اللي عايز تدمجه (زي العريس مثلاً) وبتحطهم مع البرانش الرئيسي (زي العروسة). وبعدين بيتعملهم commit جديد، ده بقى زي حفلة الجواز نفسها.

لنفترض إنك شغال على برانش اسمه feature وعايز تدمجه مع الـ main:

git checkout main
git merge feature
Git Merge

لو مفيش أي تعارضات (conflicts)، الـ Git هيعمل الـ merge تلقائي. لو في تعارضات، هتحتاج تحلها يدوياً وبعدين تعمل commit للتغييرات.

مميزات الـ merge:

  • . بيحافظ على الـ history كامل زي ما هو.
  • سهل وآمن، مش هيعمل مشاكل كتير.
  • بيخليك تشوف بالظبط إمتى حصل الدمج ده.

عيوب الـ merge:

  • ممكن يخلي شكل الـ history بتاع البروجيكت متلخبط شوية، خصوصاً لو في مرجات كتير.

Git Rebase :

الـ rebase بقى ده شغل نضيف. بدل ما نعمل حفلة جواز، بناخد التغييرات بتاعت البرانش اللي عايزين ندمجه ونحطها في أول البرانش الرئيسي، كأننا بنعيد كتابة الـ history من الأول.

لنفترض برضو إنك شغال على برانش feature وعايز تعمله rebase على الـ main:

git checkout feature
git rebase main

لو في أي تعارضات، هتحتاج تحلها يدوياً وبعدين تكمل الـ rebase:

git rebase --continue

بعد ما تخلص الـ rebase، هتحتاج تعمل force push للبرانش بتاعك لو كنت رفعته قبل كده على الريموت:

git push --force-with-lease origin feature
Git Rebase

مميزات الـ rebase:

  • بيخلي الـ history بتاع البروجيكت أنضف وأسهل في القراية.
  • مفيش commits مرج زيادة، فالـ history بيبقى خطي وواضح.

عيوب الـ rebase:

  • ممكن يكون خطر لو استخدمناه غلط، خصوصاً مع البرانشات العامة.
  • لو حد تاني شغال على نفس البرانش، ممكن يحصل مشاكل.

امتى نستخدم إيه؟

  • استخدم الـ merge:

    • لما تكون بتدمج برانشات عامة زي الماستر أو الديف.
    • لما تحب تحافظ على الـ history بالظبط زي ما هو.

  • استخدم الـ rebase:

    • في البرانشات المحلية اللي لسه ما اترفعتش على الريموت.
    • لما تحب تخلي الـ history بتاع البروجيكت أنضف وأسهل في الفهم.

في الآخر، مفيش طريقة صح وطريقة غلط. المهم تفهم الفرق وتستخدم اللي يناسب شغلك وفريقك.

الختام

في هذه المقالة، قمنا بتحليل مفصل لاثنتين من أهم الطرق لدمج الفروع في Git: الـ Rebase والـ Merge. قمنا بتوضيح مزايا وعيوب كل طريقة، وأوضحنا الحالات المثالية لاستخدام كل منهما. نتمنى أن تكون المعلومات المقدمة مفيدة لكم في مشاريعكم البرمجية.